Tungod sa makanunayon nga serbisyo sa lokal nga kagamhanan sa Cagayan de Oro nga gipaabot ngadto sa katawhan ilabina sa mga hinterland barangays, walay gikataho nga recruitment activities sa teroristang grupo, matud pa ni City Councilor Romeo Calizo, chairman sa Committee on Public Order and Safety atol sa programa `Inyong Konseho Karon’.

 

Dugang ni Kag. Calizo nga walay gikataho nga terorismo ug ubos kaayo ang hulga niini, ingon man dili alarming ang kriminalidad sa syudad bisan adunay higayon nga malusutan ang otoridad ug adunay ginagmay nga mga krimen.

“But despite all these, Cocpo, Task Force Oro, and other security deputies did their best to ensure that Cagayan de Oro is a safe place to go, safe place to live and a safe place to enjoy life,” pamahayag ni Kag. Calizo.

 

Gipasabot usab ni Kag. Calizo nga dako’ng tabang ang programa ni Mayor Rolando Klarex’ Uy nga ‘Klarex nga Serbisyo sa Baryo’ diin gidala ngadto sa katawhan sa kabukiran ang nagkadaiyang serbisyo sa gobiyerno ug ilang nabati nga duol ang gobiyerno kanila. (ALR/CIO)