GIPASIDUNGGAN sa Department of Health Center for Health Development - Northern Mindanao (DOH-CHDNM) ang City Nutrition Committee nga gipangulohan ni Mayor Klarex Uy ug City Health Office isip regional awardee sa Maternal Infant and Young Child Feeding kon MIYCF atol sa 2023 Health Summit.

 

Ang summit, nga nagdala sa temang: “Sa Healthy Pilipinas, Bawat Buhay Mahalaga, Lahat Sama-sama Tungo sa Universal Health Care”, gipahigayun Oktubre 3 diha sa Pearlmont Hotel, ning siyudad.

Ang maong pasidungog gitawag og DOH-10 IYCF Program Family Health Cluster Best Practice Award.

 

Mismo si City Health Officer Dr. Rachel Dilla, uban ni Development Management Officer (Ret.) Ma. Elen Santua ug MIYCF Focal Point Caroline A. Cabunoc ang midawat sa maong pasidungog. (NLB/CIO/photos courtesy of CNC)