Mihimo'g benchmarking activity dinhi sa Cagayan de Oro ang Municipal Disaster Risk Reduction and Management Office (MDRRMO ) sa Malapatan, Sarangani Province pinangulohan ni Mark Christopher Quiño, Oktubre 2, adlaw'ng Lunes.

 

Gawas kanila, anaa usab ang ilang Municipal Social Welfare Officer nga si Lina Sotomil ug Municipal Councilor Brandy Palarion kinsa giabi-abi mismo si Mayor Klarex Uy uban ni City Disaster Risk Reduction and Management Department (CDRRMD) Acting Department Manager Nick Jabagat.

 

Ang grupo mihatag og usa ka banig nga hinimo sa ilang pride kon national artist ug master weaver nga si Estelita Bantilan.

 

Mahinumduman nga nasakmit sa siyudad ang Top 2 sa Resiliency Pillar atol sa Cities and Municipalities Competitiveness Index (CMCI) Congress 2023 nga gihimo sa National Competitiveness Council pinaagi sa Regional Competitiveness Committees (RCCs) uban sa United States Agency for International Development (USAID), Septiyembre 28, didto sa Manila Hotel. (NLB/CIO/photos by Kim Zaldivar/CIO)