ARON mas mapalapdan pa ang weather monitoring ug masiguro ang functionality sa automated weather stations sa syudad, miduso og resolusyon ang mga sakop sa City Disaster Risk Reduction and Management Council (CDRRMC) ngadto sa konseho ning syudad sa katuyoan nga mahimoan kini og ordinansa aron maoy sumbanan sa higayon nga makasinati og kalamidad ang dakbayan.

 

Tumong sa maong resolusyon ang kolaborasyon tali sa El Observatorio de Manila nga naila isip research institution ubos sa pagdumala sa Jesuit community nga naghimo og research collaboration kabahin sa tropical meteorology, weather forecasting ug climate projections sa nasud. .

 

Ang data result sa maong collaborations maoy gamiton sa automated weather stations alang sa early warning system.

Naglaum ang CDRRMC atol sa natigayong 3rd council meeting bag-ohay lang, nga ang maong resolusyon mas mapalig-on pa pinaagi sa pagdawat sa konseho ug pag-adaptar niini isip ordinansa. (ACM/Photos by Kim Zaldivar)