Agi’g pagsugat sa kapaskohan sa bulan sa Disyembre, gitakdang ipahigayon ang tinuig nga Christmas tree lighting sa City Hall ug Gaston Park ug pagasundan dayon sa usa ka ‘Fireworks Olympics’ diha sa Rio de Oro Boulevard karong Disyembre 1.

 

Kini ang gipahibalo ni Mayor Rolando ‘Klarex’ Uy dungan ang pag-aghat sa mga department managers ug kawani sa city hall sa pagsaksi sa maong duha ka kalihukan.

 

Ang katuyoan sa kompetisyon sa ‘Fireworks Olympics’ sa Rio de Oro Boulevard nga magmabolokon ug magmalipayon ang matag pamilyang Kagayanon sa pagsaulog sa pasko, sanglit bukas kini sa publiko, dugtong pa sa mayor.

Matag bulan sa Disyembre, gikahinangop sa publiko ang Christmas tree lighting sa City Hall ug Gaston Park ug nahimo nang suroyanan sa mga pamilyang Kagayanon matag gabii. (CIO file photos)