Mainitong giabi-abi ni City Mayor Rolando ‘Klarex’ Uy ang mga opisyales gikan sa Batac City, Ilocos Norte kinsa mibisita dinhi sa syudad aron hisgotan ang posibleng pagkutay sa sisterhood agreement tali sa Cagayan de Oro City ug Batac City.

 

Ang mga opisyales sa Batac City nga gipangulohan mismo sa ilang mayor nga si City Mayor Albert D. Chua, kauban ang iyang mga sakop sa konseho ug department heads, gitagsa-tagsa pagpaila-ila ni Mayor Klarex atol sa pagpakayab sa nasundong bandila Lunes sa buntag.

 

Subay niini, giaghat ni Mayor Klarex ang mga department managers sa city hall nga ipaambit sa mga bisita ang unsang man nga impormasyon nga ilang gikinahanglan aron usab masundog kini sa ilang dapit.

Gani man, usa ka welcome dinner nga pangulohan ni Bise Mayor Jocelyn ‘Bebot’ Rodriguez ang giandam sa kagamhanan ning syudad alang sa mga bisita gikan sa Batac City, Ilocos Norte.

 

Ang Batac City naila kung asa naggikan ang mga inila nga tawo sa Pilipinas sama ni kanhi Presidente Ferdinand Marcos Sr., General Artemio Ricarte, Bishop Gregorio Aglipay ug uban pa. (CIO photos by Reynan Baylin)