Hugtanong gipatuman sa Task Group Demolition ang clearing operation batok sa mga illegal structures nga gitukod diha sa area sa Zayas, Barangay Carmen ilabina nga dili angay tukuran og mga tindahan ug barong-barong daplin sa bag-ong dalan.

 

Gipasabot ni TG Demolition chairman Atty. Jose Edgardo Uy nga daghan sa mga nanimuyo boluntaryo nga miguba sa ilang istruktura human sila gipadalhan og notice sa syudad kalabot sa ilang kalapasan ug pagagubaon ang ilang gitukod nga mga illegal structures.

 

Hinuon, gitabangan sila sa syudad paghakot sa ilang ginuba paingon sa ilang balhinan o balik sa ilang tinuod nga gipuy-an pinaagi sa buhatan sa City Engineer’s Office. (ALR/CIO/Photos by Reynan Baylin/CIO)