TUKORON sa dili madugay ang Trauma Center sa JR Borja General Hospital (JRBGH) alayon sa tinguha ni Mayor Rolando “Klarex” Uy nga mahatagan og dugang serbisyo ang katawhan ning syudad.

 

Matud ni Dr. Ferdinand Miranda, chief of hospital sa JRBGH, nga tukoron ang 30-bed Trauma Center ingon man makabaton na usab og Mammogram, 2D Echo ug mas modernong X-Ray machines agi’g kahimanan sa maong hospital nga gikinahanglan sa mga pasyente ug dili na angayan pang moadto sa lain pang hospital.

 

Kahinumdoman nga nahimo nang Level II ang JRBGH hospital ug anaa na kini sa 175-bed-capacity bisan pa man og sobra pa niini ang giserbisyohan nga mga pasyente. (ACM/CIO Photos)