Gikatakdang makigtagbo sunod semana ang mga kadagkoan sa lokal nga kagamhanan sa Cagayan de Oro sa mga opisyales sa Zamboanga City alang sa pormal nga pagpinirmahay sa kasabotan sa ‘sister city’ tali sa duha ka syudad.

 

Atol sa flagraising ceremony sa city hall niadtong Lunes sa buntag, gibutyag ni City Administrator Atty. Roy Hilario Raagas nga mangulo sa pag-abi-abi sa delegasyon sa Zamboanga City si Mayor Rolando ‘Klarex’ Uy, kauban si Vice Mayor Jocelyn Rodriguez ug mga sakop sa 20th city council, ug mga department managers sa city hall.

 

Nasayran nga usa sa palig-onon sa ‘sister-city relationship’ tali sa duha ka syudad mao ang aspeto sa ‘road safety’ ug pagpahapsay sa dagan sa trapiko.

 

Kahinumduman bag-ohay lang mipirma si Mayor Klarex Uy og ‘sisterhood agreement’ tali sa Batac City, Ilocos Norte, ang hometown ni President Ferdinand ‘Bongbong’ Marcos Jr. ug iyang amahan nga si kanhi presidente Ferdinand Marcos. (Photo by Reynan Baylin/CIO)