Mainitong gipahalipayan ni Mayor Klarex Uy si SK chairman Kenneth John D. Sacala sa barangay Carmen ning syudad human napili isip Sangguniang Kabataan Federation President sa Cagayan de Oro.

 

Matud pa ni Mayor Klarex nga ang pagkapili ni Sacala sa maong posisyon usa ka dakong garbo ug dungog sa barangay Carmen tungod kay kini ang pinakaunang higayon diin ang napili nga SK Federation president naggikan gayud sa barangay Carmen.

 

Gawas kang Sacala, ang Cagayan de Oro SK Federation langkoban nila ni Charles Slade Piguero (Balulang), vice president; Zeush Kenan Collantes (Pagatpat), secretary; Randolfh Jay Seno (Barangay 32), treasurer; Redel Calib Maata (Barangay 35), auditor; Angel Jade Pimentel (Barangay 40), public relations officer; ug Andrei Von Luigi Parungao (Bayanga), sergeant-at-arms.

 

Si Sacala maoy mohulip kang outgoing SK Federation president John Michael Seno isip ex-officio member sa 20th city council sanglit siya ang mo-representar sa tingog sa mga kabatan-onan diha sa hawanan sa konseho ning syudad.

 

Napili si Sacala sa mayoriya sa mga SK chairmen sa Cagayan de Oro nga maoy mangulo sa hugpong sa mga lideres sa Sangguniang Kabataan atol sa gihimong piniliay human sa SK mandatory training nga gipasiugdahan sa DILG nga gipahigayon didto sa Initao, Misamis Oriental bag-ohay lamang. (FB photos grabbed from DILG-10 & SK Chair Sacala)