USA sa mga nakahan-ay na nga priority projects ubos sa administrasyon ni Mayor Rolando “Klarex” Uy ang katukoran sa 4-storey East Gusa National High School TLE Laboratory building sa Barangay Gusa ning syudad.

 

Ang maong proyekto nagtumong paghatag og dugang kahibalo sa mga estudyante ilabina sa technology and livelihood education nga usa sa mga practical learnings nga makatabang kanila sa pag-atubang sa reyalidad sa kinabuhi.

Ang East Gusa National High School TLE Laboratory usa lamang sa mga proyekto ni Mayor Klarex alang sa pagpalambo sa edukasyon ning syudad.

 

Kahinumdoman nga una nang gisubhan ni Mayor Klarex ang dugang classrooms sa Bulua National High School, FS Catanico, West City Central School ug East City Central School lakip ang Agusan National High School TLE laboratory. (ACM/CIO Photos)