Moabot na sa 11,843 ka mga negosyante dinhi sa dakbayan sa Cagayan de Oro ang nagpa-renew sa ilang business permit sukad Enero 2 hangtud Enero 21, 2024.

 

Samtang 367 usab ang bag-ong nagparehistro sa ilang negosyo atol sa maong panahon, sumala pa sa Business Permitting and Licensing Division sa City Finance Department.

 

Matud pa sa BPLD ang ihap sa nagpa-renew mas taas kung itandi sa susamang panahon sa miaging tuig nga miabot lang sa 10,485.

Gibana-banang sobra sa 21,000 ka mga negosyo dinhi sa syudad ang gilantaw’ng magpa-renew sa ilang business permit karong tuiga.

 

Ning bag-o, gilugwayan sa City Council ang deadline sa renewal gikan Enero 20 ngadto na sa Pebrero 29, 2024 aron mahatagan og igong panahon ang mga gagmay’ng negosyante sa syudad. (CIO/photos by Jomar Figuracion)