Sa tinguha nga malimpyo ang tanang barangay batok sa gidiling druga, mas gipalig-on karon sa administrasyon ni Mayor Rolando `Klarex’ Uy isip chairman sa City Anti-Drug Abuse Council (CADAC) ang Barangay Drug Clearing Program.

Gani, bag-ohay lang nagtigom ang Barangay Drug-Clearing Assessment Committee (BDCAC) diin gihisgutan ang mga pamaagi aron maabagan ang mga barangay kalabot sa maong programa.

 

Ang panagtigom gipangulohan ni CADAC Co-Chairman City Councilor Romeo Calizo, DILG City Director Engr. Jane Docallos, PDEA Agent Rex Tacal, Antonio Resma sa City Legal Office, CAO Assistant Dept. Manager Cyril Ranile, CADAC-Oro Wellness Head Dr. Rhyselle Bernadette Melliza-Descallar, ug kadagkuan sa Cagayan de Oro City Police Office (Cocpo) nga gipangulohan ni P/Col. Salvador Radam.

 

Gihingusgan sa BDCAC nga daghang mga barangay ang ma-deklarar nga drug-free karong tuiga.

 

Alayon niini, laing hugna sa panagtigom ang himoon karon nga semana aron maabagan ang aplikasyon sa ubang gitumbok nga barangay alang sa drug-clearing. (ALR/CIO/Photos from CADAC-Oro Wellness)