MALAMPUSONG gilusad karong adlawa, Enero 30 sa The Good Bus Transport and Allied Services Corporation ang siyam ka mga modernized public utility vehicles nga mag-operate sa lima ka mga ruta sa Cagayan de Oro alayon sa implementasyon sa Public Utility Vehicle Modernization Program (PUVMP).

 

Mapasalamaton ang mga kadagkuan sa Land Transportation Office – Region 10, Land Transportation and Franchising and Regulatory Board – 10 ug sa kagamahanang lokal sa Cagayan de Oro ubos sa pagpangulo ni Mayor Rolando Klarex Uy sa dugang nga mga modernized public utility vehicles nga makahatag og mas luwas, komportable, ug environment-friendly nga transport services sa katawhan.

 

Subay sa Local Public Transport Route Plan sa syudad, ang siyam ka mga modernized units sa The Good Bus Transport anaa magbiyahe sa mosunod nga ruta:

1. Balubal R1 – Puerto Market via Sayre Highway

2. Balubal R2 – Puerto Market via Agusan Highway

3. Bayabas R4 – Carmen Market via westbound terminal

4. Kauswagan R3 – Carmen public market

5. Pagatpat R3 Pamalihi – Carmen market. (AGP/Photos by Kim Zaldivar/CIO)