Dako ang pasalamat ni 2nd District Representative Rufus B. Rodriguez kang Mayor Rolando `Klarex’ Uy sa dinaliang aksyon ug tabang niini atol sa sunog nga nahitabo sa Barangay Nazareth adlaw’ng Huwebes, Pebrero 15, diin gatusan ka mga indibidwal ang naapektuhan.

 

Sa pagbisita ni Rep. Rodriguez sa buhatan ni Mayor Klarex karong adlawa, siya mihangyo nga mahatagan og temporaryong pinuy-anan ang kapin sa 50 ka pamilya samtang pagatukuron pa ang ilang pinuy-anan.

Usa sa nakita nga area alang sa temporaryo niining puy-an mao ang transitory shelter diha sa Sitio Pamalihi, Barangay Pagatpat.

 

Kini nga laraw ang ipasa ni Mayor Klarex sa buhatan sa City Housing and Urban Development Department (CHUDD) nga maoy mag-facilitate ug magpahimutang sa mga biktima. (ALR/CIO/Photos by Kim Zaldivar/CIO)