Gisusi sa Task Group Demolition pinangulohan ni Antonio Resma Jr. ang lugar partikular na ang Talipapa sa Barangay Cugman nunot sa pagpatuman sa road clearing operation nga gihangyo ni Punong Barangay Ma. Luisa Aldeguer, Miyerkules Peb. 21.

 

Matud ni Resma nga adunay panagtagbo nga himoon sa mga apektadong sidewalk vendors uban sa konseho sa barangay ug sa TG Demolition aron ilang masabtan ang tumong sa clearing operation ug sa kalapasan nga ilang nahimo.

Apan, gihangyo ni Resma ang mga enforcers sa Roads and Traffic Administration (RTA) nga magmonitor ug sa samang higayon badlungon ang mga sidewalk ug ambulant vendors nga dili okupahon ang dalan aron dili mabukog ang dagan sa trapiko.

 

Gipasabot ni PB Aldeguer hawan ug luag ang dalan sa Zone 2 sa buntag paingon sa udto apan pag-abot sa alas tres sa hapon halos dili na makaagi ang mga sakyanan kay okupahon na sa mga sidewalk ug ambulant vendors ang dalan.

Hinuon, nagpadala na og notice ang konseho sa Brgy. Cugman ngadto sa gitumbok nga mga personalidad.

 

Samtang gipasalig ni Resma ngadto kang PB Aldeguer nga andam motabang ang TG Demolition sa clearing operation sa ilang barangay. (ALR/CIO/Photos by Reynan Baylin/CIO)