GILUSAD karong adlawa sa City Hall Employees Multipurpose Cooperative (CHEMCO) ang ilang kaugalingong Gender and Development (GAD) corner diha mismo sa buhatan sa CHEMCO, ning siyudad.

 

Ang GAD corner gilangkoban sa mga Information Education Communication campaign materials kalabot sa mga Gender and Development related Republic Acts nga gisuportahan niini sama sa RA 9262 o’ VAWC Act, RA 11313 o’ Safe Spaces Act ug ang RA 11210 o’ 105-Day Expanded Maternity Leave Law.

 

Anaa usab educational video nga girelease kalabot niini. Ang launching gitambongan mismo ni Mayor Klarex Uy, Vice Mayor Bebot Rodriguez, CHEMCO Chairperson Eldie Daayata ug CHEMCO General Manager Paul Sumbilon.

 

Nasayrang ang GAD corner inisyatiba sa Gender and Development Committee sa CHEMCO nga gilangkoban nila ni Edelyn Enerio, Myrna Dangcal ug Mary Apple Dawn Tabafa uban sa tinguha nga mapahibalo sa katawhan nga ang CHEMCO patas sa tanan gender. (NLB/CIO/photos by Jomar Figuracion/CIO)