SUBLING ibalik tunga-tunga karong bulan sa Abril ang ‘Klarex nga Serbisyo sa Baryo’ kon KSB, ang flagship one-stop shop community outreach program sa administrasyon ni Mayor Klarex Uy.

 

Ang paglusad og balik sa KSB gipahibalo ni Mayor Klarex sa mga opisyal ug kawani sa city hall atol sa flagraising ceremony Lunes sa buntag.

 

Sigun pa sa mayor ang KSB ipahigayon kada semana sa kabarangayan aron mas daghan pang katawhan ang maalagaran ug makapahimulos sa nagkadaiyang serbisyo nga itanyag sa mga buhatan sa city hall.

 

Gipasalig ni Mayor Klarex nga magpadayon gihapon ang ‘Kasalan ng Bayan’, ang nag-unang highlights sa KSB diin makadawat og libreng lechon, cake, wine, bugas ug groceries ang matag pares sa kinasal kortesiya sa buhatan sa mayor ug pipila ka mga kagawad sa konseho sa syudad. (CIO)