SUBLING gipahimangnoan ang publiko nga buot mosaka sa Birhen sa Guadalupe Shrine ug Malasag Station of the Cross nga hugtanong gidili ang pagdala sa ilimnong makahubog aron magpabilin nga hapsay, malinawon ug luwas ang pagtamod sa semana santa o “Pamalandong 2024”.

 

Subay niini, gihangyo sa hiniusang pwersa sa kagamhanang lokal sa Cagayan de Oro pinaagi sa City Disaster Risk Reduction and Management Department ug City Health Office, Cagayan de Oro City Police Office, Task Force Oro, Bureau of Fire Protection, barangay councils ug uban pang ahensya, ang katawhan nga hugot nga motuman sa mga gabayan nga gihan-ay sa syudad.

 

Gawas sa ilimnong makahubog, gidili usab ang pagdala sa unsa mang matang sa hinagiban, pagpanigarilyo ug uban pa.

 

Gipasidan-an usab sa CHO ang publiko batok sa heat stroke gumikan sa naglagiting nga kainit sa adlaw busa magdala sa igong proteksyon sa lawas ug kanunay mag-inom og tubig.

 

Gihangyo usab ang katawhan nga mahimong responsable ug dili magpataka og labay sa basura aron mapabilin ang kahindik sa mga pilgrim sites.(AGP/Photos by Kim Zaldivar and Joshua Luingas/CIO)