Gikoronahan si Peachy May Roa-Rogers sa Barangay Consolacion isip grand winner sa ‘Bongga ka Nay’ beauty pageant atol sa pagtapos sa National Women’s Month, Marso 23, diha sa Amphitheater, ning siyudad.

 

Samtang nahimong 1st runner-up si Vanessa Pong sa Barangay Nazareth, 2nd runner up si Marie Joy Ligtas sa Barangay 17, 3rd runner up si Juliet Timbal sa Barangay Patag, ug 4th runner up si Jan Irenee Smith sa Barangay Iponan.

 

Mismo si City GAD Focal Person Sheila Lumbatan, Committee on Family and Women Relations Chairperson City Councilor Girlie Balaba ug Rotary International District 3870 District Governor Gilda Go ug Bongga ka Nay 2023 Grand winner Charina Neri sa Barangay F.S. Catanico ang mitunol sa mga awards.

 

Ang maong kalihokan inisyatiba sa City Gender and Development Focal Point System nunot sa kasaulogan sa National Women’s Month. Kini na ang ikaduhang higayon nga gipahigayon ang maong beauty pageant tali sa mga inahan ubos sa administrasyon ni Mayor Klarex Uy. (NLB/CIO/photos by Kim Zaldivar/CIO)