SUBLING gipahinumdoman sa City Local Environment and Natural Resources Office (CLENRO) ang kabarangayan sa istriktong implementasyon sa ‘No Segregation, No Collection Policy” subay sa RA 9003 ug City Ordinance No. 13378-2018 o Integrated Ecological Solid Waste Management Ordinance of Cagayan de Oro City.

 

Matud ni Engr. Armen Cuenca, hepe sa CLENRO, nga daghan pang kabarangayan ang wala misubay sa maong ordinansa human sa usa ka bulan na nga istriktong pagpatuman sa syudad niini.

 

Dugang ni Cuenca nga taas na nga panahon ang gihatag sa gobyerno nga pagsabot ug paggiya sa kabarangayan ilabina sa ‘waste segregation at source’ ug collection nga nag-unang katungdanan niini.

 

Gipasabot usab ni Engr. Cuenca nga kung dili ipatuman ang waste segregation at source, dili mapugngan ang paspas nga pagkapuno sa kasamtangang engineered sanitary landfill nga nahimutang sa Brgy Pagalungan.

Dugang ni Engr. Cuenca kung dili pa gayud mapatuman ang waste segregation at source, manubag niini ang mga opisyales sa barangay. (ACM/Photos by CIO)