Usa ka special meeting sa Regional Development Council (RDC-X) nga gi-organisar sa National Economic Development Authority kon NEDA ang gitambongan ni Mayor Klarex Uy niadtong Martes, Abril 2 diha sa buhatan ni Misamis Oriental Governor Peter Unabia, kauban si NEDA 10 regional director Myla Cariño ug uban pa.

 

Tuyo sa pagtambong sa mayor sa maong tigom nga masayran ug mahatagan og update kalabot sa ‘proposed priority projects ug development initiatives’ sa Metro Cagayan de Misamis kon MCDM.

 

Lakip sa ilang nahisgotan ang pinakaulahing kalamboan sa Mindanao Railway Project Phase 3 ug ang Flood Risk Management Project for the Cagayan de Oro River (FRIMP-CDOR).

 

Nag-unang tinguha sa panagtigom nga mapalig-on ang pagtambayayong ug kolaborasyon sa mga stakeholders, ilabina ang mga hintungdang LGUs ug mga ahensya sa nasudnong gobyerno aron mas epektibo ang pagpatuman sa mga proyekto ug inisyatiba sa Metro Cagayan de Misamis. (CIO/photos grabbed from Governor Unabia’s FB post)