Subling matagamtaman sa mga katawhan sa barangay Cugman ang mga batakang serbisyo nga libreng itunol sa kagamhanan ning syudad ubos sa administrasyon ni Mayor Klarex atol sa pagbalik sa one-stop shop community outreach program nga gitawag og ‘Klarex nga Serbisyo sa Baryo’ karong adlaw’ng Sabado, Abril 13 sa barangay Cugman.

 

Nasayrang bag-ohay lamang gipahigayon sa barangay Cugman ang mass wedding kon 'Kasalan ng Bayan' niadtong Abril 5 diin 55 ka magtiayon ang nakasal.

 

Lakip sa mga serbisyo sa KSB mao ang libreng tuli, check-up sa mata ug dalunggan, medical ug dental check-up, bakuna sa COVID-19 ug rabies, libreng late birth registration, application sa mga ID sama sa senior citizen, PWD, solo parent. Anaa usab ang pagpanghatag sa PhilHealth ID, livelihood, agricultural services ug uban pa.

 

Ang KSB usa ka one-stop shop community outreach program ni City Mayor Rolando "Klarex" Uy" diin tuyo niini nga mapaduol ug mahatud ang mga batakang serbisyo diha mismo sa tugkaran sa mga residente sa syudad, ilabina sa mga hinterland barangays. (NLB/CIO/photos by Alixes Gemao/CIO)