Napili bag-ohay lang si Cagayan de Oro City Mayor Rolando ‘Klarex’ Uy isip Chairman sa Ad Hoc Committee sa Metro Cagayan de Misamis atol sa ilang reorganizational meeting nga gipatawag sa National Economic Development Authority (NEDA-10).

 

Ang ubang mga opisyales sa Ad Hoc Committee mao sila si Oro Chamber President Dr. Jesus Jardin isip Co-Chairman; Opol Municipal Mayor Jayfrancis Bago isip Vice-Chair for Local Chief Executives (LCEs); ug NEDA 10 Regional Director Myla Faye Cariño isip Vice-Chair for Government Agencies.

 

Nagkahiusa ug nagtambayayong ang nagkadaiyang local government units nga nahisakop sa probinsya sa Misamis Oriental, ubos sa liderato ni Governor Peter “Sr Pedro” Unabia, ug dakbayan sa Cagayan de Oro aron pag-umol sa tukmang mga lakang ug plano alayon sa direksyon ug panlantaw sa Metro Cagayan de Misamis. (CIO/photos grabbed from Governor Unabia’s FB page)