MALAMPUSONG gipahigayon sa mga volunteers gikan sa CDO Interfraternity/Sorority Council sa pagpanguna ni IFSC chair Mr. Cassian Nikki Bryan Capaning ang labing una nga community outreach program sa grupo nga napahimuslan sa gatosan ka mga molupyo sa barangay Taglimao ning syudad, Abril 28, 2024.

 

Tumong sa organisasyon nga makaserbisyo sa komunidad pinaagi sa paghatag og health ug legal assistance sa katawhan sa nasangpit nga barangay.

 

Ang CDO-IFSC usa lang sa nagkadaiyang partner-organizations kagamhanan ning syudad pinaagi sa Volunteerism & Active Citizenship Program – Office for Community Affairs alang sa pagpalagsik sa kalihokan sa bolunterismo.

 

Mapasalamaton usab ang syudad sa malampusong aktibidad pinaagi sa aktibong partisipasyon sa nagkadaiyang grupo nga sakop sa CDO-IFSC nga naglangkob sa mosunod; Tau Gamma Phi, Justice for All Peacemaker, Monalisa Fraternity & Sorority, Beta Sigma Upsilon Sigma, Sigma Alpha Epsilon, Megalith Nu Sigma Phi, Sigma Xi Fraternity & Sorority, Gama Beta Sigma, Delta Fraternity & Sorority, Alpha Psi Omega, Gamma Pi Epsilon, Gamma Pi Epsilon, Gamma Sigma Psi, Alpha Omega Beta, Gamma Phi Omicron ug Alpha Kappa Rho. (AGP/Photos by Joshua Luingas/CIO)