GIAGHAT sa kagamhanang lokal sa Cagayan de Oro pinaagi sa Public Employment Service Office – Job Placement Bureau ang mga Kagay-anon nga nangita’g trabaho pagsalmot sa tinuig nga ‘Mega Job Fair’ karong Mayo 1, 2024 diha sa event hall, SM CDO Downtown Premier 5th floor nga gipasiugda sa Department of Labor and Employment Region 10 (DOLE 10), kauban ang mga partner companies/corporations isip kabahin sa 122 ka tuig nga ‘Kasaulogan sa Adlaw sa mga Mamumuo’.

 

Kapin 9,000 ka mga bakanteng posisyon ang gitanyag sa dili momenos 85 ka mga kompaniyang mosalmot sa ‘job fair’ nga naglangkob sa trabahong lokal ug ‘overseas’.

 

Gumikan sa gilaumang gidaghanon sa mga aplikante, gidasig sa PESO ang mga ‘jobseekers’ nga mag-preregister online pinaagi sa link https://bit.ly/labordayjobfair2024. (AGP/CIO)