Miabot sa 5,142 ka mga applicants sa city scholarship ning tuig ang mikuha sa qualifying exam niadtong Abril 22 hangtud Abril 28, ning siyudad.

 

Lakip sa mga exam sites ang Liceo de Cagayan University (Main Campus), Lourdes College Auditorium ug Lumbia National High School. Ang qualifying exam gi-administer sa Center for Educational Measurement Incorporated.

Kini usa sa mga basihan diin makuha o dili ang usa ka scholar applicant.

 

Ang qualifying exam nagmalampuson ubos sa paningkamot sa mga personahe sa City Scholarships Office (CSO) ubos ni CSO Head Richel Petalcurin-Dahay, uban sa mga scholar volunteers, ug mga eskwelahan diin gipahigayong ang exam.

 

Nasayrang anaa na sa 9,053 ka mga city scholars ang siyudad ug tinguha ni Mayor Klarex Uy nga mosaka ang ihap sa mga benepesyaryo ngadto sa 10,000 ka mga city scholars karong tuiga. (NLB/CIO/photos by Reynan Baylin and Rod Constantino)