Thursday, 08 July 2021 05:20

‘Safety Seal Certification Program’ gilunsad sa syudad

Written by
Mahimo nang mo-apply online sa ‘Safety Seal Certification Program’ ang mga establisemento dinhi sa Cagayan de Oro gamit ang microsite nga: https://services.cagayandeoro.gov.ph/cdosafetyseal/.
Kini human gipangulohan ni Ms. Eileen San Juan, local economic and investment promotions officer sa ORO-TIPC ug Mr. Zelfred Anthony Cocon, head sa City Management Information System, ang virtual launching sa online ‘Safety Seal Certification Program’ karong adlawa.
Ang paghatag og ‘Safety Seal’ nagpamatuod nga ‘compliant’ o’ nagsunod sa minimum public health standards ang usa ka establisemento, ug naggamit sa Higala App para sa contact tracing.
Isip issuing authority, ang city hall mo-issue og ‘Safety Seal’ sa mga establisemento sama sa malls, wet markets, retail stores, restaurants outside hotels/resorts, fastfood, eateries, coffee shops, banks, money changers, pawnshops, remittance centers, car wash, laundry service centers, art galleries, libraries, museums, zoo, sports centers, tutorial, testing and review centers, gyms, spas, cinemas, arcades ug uban pang private establishments.
Samtang ang Dep’t of Tourism, Dep’t of Labor and Employment, Dep’t of Trade and Industry ug Dep’t of the Interior and Local Gov’t ang mohatag usab og ‘Safety Seal’ sa mga establisemento nga nahisakop sa ilang hurisdiksyon. (IAF/photos by Joshua Luingas)