TEMPORARYONG gipasira ang mga internet/pisonet shops sa barangay Gusa ning syudad human nakalapas sa mga gabayan sa ECQ atol sa joint operation and inspection sa Regulatory Compliance Board kon RCB.
Atol sa maong operasyon, 42 ka mga hard disks ug 10 ka RAM ang gikumpiska sa mga otoridad gikan sa walo ka mga internet/pisonet shops sa Brgy. Gusa.
Walo usab ka mga menor de edad ang na-rescue ug gipapauli sa ilang tagsa-tagsa ka panimalay.
Gipangulohan sa RCB ang maong operasyon uban sa Police Station 3 ug barangay council sa Gusa diin anaa sa ilang buhatan gikustodiya ang mga nakumpiska nga mga parte sa computer.
Mahimong makuha ang maong mga gamit kung moubos na ang quarantine status sa dakbayan, ug mahimo na nga buksan balik ang mga pisonet o’ internet shops.