World Health Organization
Department of Health 
Sa dili madugay, hayan ma-implementar na ang pag clustering sa barangay alang sa vaccination roll-out.
Kini human gi-aprobahan na sa DOH nga direktang ihatag sa LGU-CDO ang COVID 19 vaccine allocations sigon usab sa pinakaulahing panagtagbo ni Acting City Health Officer Dr. William Bernardo and DOH 10 regional director Dr. Jose R. Llacuna Jr.
Kaniadto mag agad lang ang LGU pilay ihatag sa DOH kada adlaw busa daily pud ang planning. Maoy hinungdan nga gihangyo ni Mayor Moreno si IATF chief implementer ug vaccine czar Carlito Galvez Jr., nga mahatag sa LGU diretso ang allocation para sa CDO aron naay panahon nga maplanohan ang roll-out sa pagpamakuna.
Laraw ni Mayor Moreno nga gawas sa mga mega sites, magpahigayon usab ang matag barangay o 'clusters' sa mga barangay og vaccination rollout program aron hapsay ug paspas makab-ot ang target nga 'herd immunity'.
Kahinumduman nga naghangyo si Mayor Moreno kang secretary Galvez nga direktang ihatag sa syudad ang mga bakuna aron makamugna og 'monthly plan' ug mapaspasan ang vaccine rollout program.
Alayon niini nagpahigayon ang Food and Drug Administration, DOH-10 kauban ang City Heath Insurance Office Logistics Cluster og inspection sa cold chain storage warehouse sa Mets Logistics Inc., sa Barangay Tablon, Agosto 13.
Atol sa inspection nakitang pasado sa 'good storage and distribution practices' ang Mets Logistics Inc, aron maoy mag-‘store’ sa COVID-19 vaccine supplies sa syudad pinasikad sa memorandum of agreement nga gipirmahan tali LGU-CDO ug Mets. (AGP/Photos by Rj Abaday/CHIO)
