World Health Organization
Department of Health 
Nagpadayon gihapon hangtud karon ang pag-apod-apod sa family food packs alang sa mga empleyado sa business establishments nga apektado sa pandemya.
Sigun pa sa pinakaulahing taho ni Michael Christopher Fabello, Executive Overseer sa City Social Welfare and Development Office, nga miabot na sa 1,642 ka business establishments dinhi sa Cagayan de Oro ang nakadawat na og family food packs gikan sa DSWD Region 10 nga gitunol sa CSWD.
Sa 49,209 ka mga empleyado sa business establishments nga narehistro sa food assistance portal, anaa pa sa 22,965 ka mga kawani ang nakadawat sa family food packs.
Busa, subling nanawagan ang CSWD sa mga business establishments pag-contact sa ilang hotline number: 0960-9021205 (text only) aron maapil sa online profiling ang ilang mga empleyado. (IAF/CIO)
