World Health Organization
Department of Health 
DILI momenus P30 milyones na ang nagasto sa CDO LGU tungod sa taas nga ihap sa mga mipanaw tungod sa COVID 19 sugod Enero hangtud Hulyo ning tuig, kompara sa kapin P4 milyones lang sa tuig 2020.
Kini basi sa datos sa Management of the Dead cluster nga gipangulohan ni Engr. Armen Cuenca.
Sigun sa taho ni Engr. Cuenca, 213 ka indibidwal ang natala nga mipanaw sa 2020, kompara sa 962 sa 3rd quarter pa lamang sa 2021, diin gihatagan og kagawasan ang pamilya sa pagpili sa paagi kung ilubong o’ cremation.
Tungod sa padayong pagsaka sa mga kaso, anaa na karon sa full capacity ang COVID referral hospital sa rehiyon nga mao ang Northern Mindanao Medical Center (NMMC), lakip na ang JR Borja General Hospital (JRBGH) nga miabag sa pag-atiman sa mga positibong pasyente. (ACM/CIO/Contributed Photos)
