World Health Organization
Department of Health 
GIPAHIMANGNOAN ang katawhan sa hugot nga pagsunod sa minimum public health standards tungod sa padayo’ng pagsaka sa COVID 19 cases ning syudad.
Nag-una pa gihapon sa daghang kaso ang mga dagkong barangay sama sa Carmen nga adunay 381 active cases, Balulang - 269, Kauswagan – 247 nga anaa sa top 3. Gisundan kini sa Brgy Bulua-207; Lumbia – 206; Iponan-182; Bugo-152; Macasandig-142; Patag-137; ug Gusa-121.
Basi sa taho sa City Health Office (CHO), ang paspas nga pagtakod anaa na sa panimalay ug mga buhatan, diin daghan ang nakasinati sa mild o moderate lamang nga mga simtomas.
Samtang sa natalang 697 COVID deaths sukad sa pagsugod sa pandemya, anaa lamang sa 50 kon 7% sa mga namatay ang bakunado apan naghambin nang daan og mga sakit, ug 647 kon 93% ang wala nabakunahan.
Subay niini, padayo’ng naghangyo ang CDO LGU sa kooperasyon sa katawhan aron mapugngan ang pagsaka pa sa COVID 19 cases diin mokabat na sa 31 ang Delta variants nga natala dinhi sa syudad. (ACM/CIO/CHO Graphs)
