World Health Organization
Department of Health 
Tulo ka mga dagkong barangay sa Cagayan de Oro ug usa ka fire station ang nakabaton og ‘Safety Seal Certificate’ gikan sa Department of Interior and Local Government kon DILG.
Mismo si City DILG Director Engr. Jane Docallos ang mitunol kagahapon sa ‘Safety Seal’ ngadto sa mga opisyales sa Barangay Lapasan ubos ni Kapitan Julito Ogsimer, barangay Gusa ubos ni Kapitan Marlo Tabac, ug barangay Cugman ubos ni Kapitan Wendelyn Escobia, ug fire station sa BFP Lapasan.
Ang DILG maoy issuing authority sa paghatag og ‘Safety Seal’ alang sa mga government buildings sama sa barangay hall, city hall, merkado, police station ug uban pa.
Ang ‘Safety Seal’ nagpamatuod nga compliant kon nagsunod sa mga health safety protocols ang usa ka establisemento, mga buhatan sa gobyerno ug uban pang institusyon. (IAF/photos courtesy of City DILG Director Docallos)
