SUBLING gipahinumdoman ni Dr. William Bernardo, acting city health officer nga wala pa gitugot ang pag-‘walk-in’ sa 12-17 anyos nga buot magpabakuna batok COVID-19 sa mga vaccination sites nga gidumala sa syudad.

 

 

Mahimong magpreregister online sa https://services.cagayandeoro.gov.ph:8087/vaccprereg/ ug maghulat sa text alang sa schedule ug vaccination site.

 

Sa laing bahin, gibutyag ni Dr. Bernardo nga nagmalampuson kagahapong adlawa November 8, ang pag-abli sa Jollibee Kauswagan ug McDonald-Limketkai mall isip vaccination sites nga gidumala usab sa Department of Health.

 

 

Matud ni Dr. Bernardo usa kini ka lakang sa pagtinabangay sa nasudnon ug lokal nga panggamhanan ug sa pribadong sektor aron paspas makab-ot ang ‘herd immunity.’ (AGP/Photos by Reynan Baylin/CIO)