GITUGOT na ubos sa Alert Level 2 ang 50% maximum capacity alang sa mga indoor establishments samtang 70% maximum capacity ang gitugot alang sa outdoor venues diin ipahigayon ang mga gatherings ug susamang mga kalihukan.

 

 

Apan gikinahanglan nga ‘fully vaccinated’ ang mga indibidwal nga nag-edad 18 anyos pataas nga buot mosulod sa mga indoor establishments isip usa sa mga rekisitos nga gimando sa Inter-Agency Task Force (IATF).

Kinahanglan usab nga ‘fully vaccinated’ na ang tanan empleyado o’ trabahante sa mga indoor ug outdoor venues/establishments aron makapadayon og operate ubos sa bag-ong gabayan nga gipatuman sa nasudno’ng kagamhanan.

 

 

Samtang sa mga outdoor venues/establishments, mahimo pa gihapon makasulod ang mga partially vaccinated lakip mga unvaccinated.

Alang sa mga malls ug shopping centers, gitugotan na ang mga menor de edad nga makasulod taliwala nga wala pa sila nabakunahan apan gikinahanglan nga ubanan sila sa mga fully vaccinated ‘adults’. (SPP/CIO)