DUHA sa mga natalang patay tungod sa COVID-19 pulos dili bakunado.

 

Kini basi sa pinakulahing data nga natala sa City Health Office adlaw’ng Martes, Enero 25.

 

Samtang daghan usab sa mga nataptan sa maong virus adunay pagbiyahe gawas sa Cagayan de Oro, gikan sa laing nasud, ug mitambong sa pagtapok-tapok sama sa haya.

 

Mikabat na sa kinatibuk-ang 781 nga mga dili bakunado ang namatay sa COVID-19 o 90%, kon itandi sa 88 o 10% sa mga bakunado.

 

Subay niini, hugot ang panawagan sa mga medical doctors, lakip si Mayor Oscar Moreno sa katawhan nga magpuyo sa balay kung walay importanteng lakaw o likayan ang pagbiyahe, kung dili importante.

 

Kasamtangan nang miabot sa 1,711 ang natalang active cases sa Cagayan de Oro sulod lamang sa bulan sa Enero ning tuig. (ACM/CIO)