NAGMALAMPUSON ang cash assistance payout alang sa mga Typhoon Odette survivors kagahapong adlawa, Enero 25, diha sa covered courts sa barangay Bonbon; Lumbia; Macanhan, Carmen; Tablon; Gusa; FS Catanico; Puerto; Macasandig; Iponan Elementary School; ug Brgy 17 Brgy Hall, ning siyudad.

 

 

 

 

Sumala sa Rapid Damage Assessment Needs Analysis (RDANA), mokabat sa 37 ka mga barangay ang naapektohan sa maong bagyo.

 

Ang cash assistance gikan sa national government ug kini basi sa DILG-DSWD-DND Joint Memorandum Circular o JMC # 4 Series of 2021 diin midawat og tag-P1,000 ang matag indibidwal ug dili molampas sa P5,000 ang maximum amount sa kada pamilya.(NLB/CIO/Photos by Rod Constantino/CIO)