Pantawid Pamilyang Pilipino Program (4Ps) beneficiaries sa Barangay 22 malipayon human napili isip pilot barangay sa community kitchen project nga gilusad niadtong Enero 26.

 

Ang community kitchen langkoban sa usa feeding program nga dumalahon sa Tabang Sikad, CDO-based youth-led organization diin gilaumang ipahigayun kaduha sa usa ka bulan.

Ang mga pagkaon nga idalit sa feeding program gikan mismo sa utanon nga gitanum sa mga 4Ps beneficiaries sa ilang tugkaran.

 

 

Si Ana Patricia Non sa Maginhawa Community Pantry ang nangulo sa paglusad sa proyekto uban sa City Social Welfare Development (CSWD) ubos ni CSWD Executive Overseer Michael Fabello;

 

 

CSWD Community and Social Development Division Head Joan Acraman; CSWD 4Ps staff Arlene Baja ug Geneveive Caballo; Office of the City Administrator staff Marky Jalapadan; CDO Urban Container Household Gardening ug Department of Social Welfare and Development-X uban sa tinguha na mapadangat ang importansya sa community gardening sa matag barangay.

 

Gilaumang dal-on sa matag barangay ning siyudad ang community kitchen sa tibuok tuig sa 2022. (NLB/CIO/Photos by Reynan Baylin/CIO).