LAUMANG masugdan na ang cremation services sa kasamtanga’ng gi-redevelop nga City Memorial Park sa Bolonsori, Brgy Camaman-an ning syudad.

 

Matud ni Ms. Sol P. Mosqueda, sa City Local Environment and Natural Resources Office (Clenro) ug focal person sa City Memorial Park nga laraw nang mabuksan ug masugdan sa Marso ning tuig ang crematorium sanglit anaa na sa proseso ang pagkuha og lisensya sa Department of Health.

 

Dako ang tinguha sa administrasyon ni Mayor Oscar Moreno nga mahatagan og dignidad ang mga mipanaw na ug masulbad ang pagkapuno sa Bolonsori cemetery, ilabina ning panahon sa pandemya.

Ang re-development sa City Memorial Park gisugdan sa milabay’ng tuig lamang. (ACM/CIO)