MALIPAYON ang 60 ka eatery ug sari-sari store owners human midawat sa ayudang pinansyal gikan sa programa ni kanhi House Speaker Alan Peter S. Cayetano nga gitawag og 'Sari-Saring Pag-asa' kagahapong adlawa Pebrero 2, diha sa City Council Session Hall, ning siyudad.

 

 

Ang 'Sari-Saring Pag-asa' program usa ka initiative nga nagtumong paghatag og ayudang pinansyal, training ug mentorship alang sa mga sari-sari store owners nga naapektohan sa pandemya.

Ang 60 ka sari-sari store owners lakip eatery owners midawat og ayudang pinansyal nga balor og P3,500 matag usa.

 

Mitambong sa kalihokan sila si Committee on Women and Family Relations Chairperson City Councilor Edna Dahino; Committee on Health Chairperson City Councilor Malou Gaane; Committee on Senior Citizens Chairperson City Councilor Roger Abaday; ug Committee on Urban Poor and Housing Chairperson City Councilor Edgar Cabanlas.

 

Anaa usab sila si Committee on Education Chairperson City Councilor Suzette Magtajas-Daba; City Councilor Reuben Daba; City Social Welfare and Development (CSWD) Executive Overseer Michael Christopher Fabello; CSWD Community and Social Development Division Head Joan Mae Acraman; ug Office for Community Affairs (OCA) Head Oliver Egypto.

 

Gawas sa financial assistance, mopailawom usab sa libreng training ang mga sari-sari store owners kalabot sa NC1 Bookkeeping nga gitanyag sa Skills Mastery Institute nga gipanag-iyahan ni Ms. Irene Floro. (NLB/CIO/Photos by Rod Constantino/CIO).