DAKO’NG pagkunhod sa COVID 19 cases ang natala sa syudad basi sa datos sa City Health Office (CHO) adlaw’ng Lunes, Pebrero 7.

 

Sumala sa datos niini, makita ang pag-ubos sa 2-week growth rate (2WGR), average daily attack rate (ADAR) ug hospital care utilization rate, kung itandi sa mga nilabay’ng semana ilabina sa pagsugod sa tuig 2022.

Anaa na lamang karon sa 20% ang 2WGR kompara sa 214%, samtang miubos na usab sa 28.84% ang ADAR gikan sa 37.88%, ug 52.64% ang hospital care utilization rate kung itandi sa 58.54% niadtong Pebrero 1.

 

 

Gipasabot ni Mayor Oscar Moreno nga bisan pa man og anaa pa sa kapin gatusan ka mga aktibong kaso ang kasamtangang natala sa syudad matag adlaw, apan mao pa kini ang mga kaso nga una nang nakuha sa milabay’ng mga adlaw nga miagi pa og verification process sa City Health Office.

 

Subay niini, malaumon ang mayor nga moubos na ang risk classification sa syudad sa umaabot nga mga adlaw. (ACM/CIO)