NAHAGKAP ang gibati nga kaguol sa mga kabataan sa Mabuhay Del Carmen, Siargao Island, Surigao del Norte nga naapektohan sa Typhoon Odette human nakabenepisyo sa libreng Psychological First Aid (PFA) nga gitanyag sa Cagayan de Oro City Social Welfare and Development Psychosocial Division bag-ohay lang.

 

 

Mikabat sa kapin 500 ka mga kabataan ang nakabenepisyo sa maong PFA, diin kini gibahin sa duha ka sessions aron masunod ang minimum public health standards.

 

Lakip sa istratehiya nga gihimo sa CSWD Psychosocial Division Attending Psychometricians Jamela Dela Cruz, Rio Rosal Baliling, Angel Coleen Vallespin, Jascha Nova Amistoso, Mohammad Ahsan Ader, Michael Peras ug Christie Napiere ang pagpagawas sa gibati sa mga kabataan pinaagi sa drawing.

 

 

Gawas niini, gibansay usab nila ang 68 ka volunteers kalabot sa PFA diin ilang gipakita ang kaikag pinaagi sa pagsulat sa freedom wall. (NLB/CIO)