MOKABAT sa 13 ka street individuals ang na-rescue kagabii sa nagpadayun nga reach-out operation sa Oro Response Processing Center (ORPC) ubos ni ORPC Head Venamay Celeste uban sa Police Station 1 ug Women and Children Protection Desk (WCPD) Cagayan de Oro City Police Office (COCPO).

11 sa ila ang temporaryong giplastar sa kanhi Boystown diha sa Lumbia.

Gani, mopailawum sa further assessment ang tanang na-rescue, karong adlawa.

Mikoordinar usab sa Police Station 8 Lumbia ang ORPC alang sa pagsiguro nga sila dili na mobalik sa kadalanan.

Ning panahon sa COVID-19, hugot nga naningkamot ang Moreno administration nga masiguro ang kaluwasan sa katawhan pinaagi sa pagdasig sa katawhan nga magpuyo sa balay lakip ang paghatag og prayoridad sa walay mapuy-an pinaagi sa pagplastar kanila.

#CDOCOVID19Response

Text by Nica Borja
Photos courtesy of ORPC