DAKONG pahat sa ipahigayon nga 3rd National Vaccination Days ugma, Pebrero 10 ug Pebrero 11 ning tuig ang gi-alokar nga ‘booster doses’ alang sa 18 anyos pataas.
Sa duha ka adlaw nga ‘Bayanihan, Bakunahan 3’, mokabat sa 10 ka LGU-CDO managed vaccination sites ang abri alang sa first dose, second dose ug booster shots.
Samtang abri usab ang DOH-managed sites diha sa McDonalds Gusa, McDonalds Limketkai, McDonalds Uptown, Centrio Ayala Mall, Cathedral ug Liceo de Cagayan University Gym - main campus.
Atol sa simultaneous nationwide vaccination, available ang COVID-19 vaccines nga Sinovac isip homolologous booster, AstraZeneca, Pfizer ug Moderna isip homologous o heterologous booster.
Sigon sa datos sa City Health Insurance Office, anaa pa sa 75,339 ka mga tawo ang natupokan sa booster doses. (AGP/CIO)