MOKABAT sa 387 ka mga benepisyaryo sa Tulong Panghanapbuhay sa Ating Disadvantaged/Displaced Workers kon TUPAD program ang midawat sa ilang sweldo niadtong Pebrero 10 diha sa Barangay 22 human nakakompleto sa maong programa sa gobyerno nasyonal.
Samtang, laing 200 usab ka mga indibidwal ang midawat sa ilang sweldo sa susamang programa niadtong Pebrero 9 diha sa Brgy. Macasandig.
Ang mga benepisyaryo gilangkuban sa mga indibidwal nga biktima sa bagyong Odette nga labing apektado ang panginabuhian ug pang-adlaw-adlaw nga panginahanglanon.
Nahimong posible ang TUPAD program pinaagi sa Department of Labor and Employment (DOLE-X) Cagayan de Oro City Field Office, uban sa Job Placement Bureau – Public Employment Service Office Cagayan de Oro City.
Kahinumduman nga ubay-ubay na usab ka mga benepisyaryo ang nakasalmot sa maong programa sa milabay’ng mga bulan diha sa Brgy. Camaman-an, Gusa, ug Macanhan. (SPP)