Tulo ka mga pasilidad diha sa NHA-Mambuaya Village, Barangay Mambuaya ning syudad ang gitunol sa mga kadagkuan sa National Housing Authority (NHA) ngadto sa syudad, adlaw’ng Domingo, Pebreo 13.

 

 

Gawas sa turnover, gipahigayon usab ang signing sa Deed of Acceptance and Donation Agreement and Inauguration nga gipangulohan ni 1st District Representative Rolando ‘Klarex’ Uy, Vice Mayor Raineir Joaquin Uy, NHA Regional Manager Engr. Alfonso Borlagdan ug Engr. Ermin Stan Pimentel, head sa City Housing & Urban Development Department (CHUDD).

 

 

Misaksi usab si Senador Win Gatchalian uban sa mga personahi sa CHUDD ug mga bisita.

 

 

Ang gi-turnover nga mga facilidad mao ang basketball court, multi-purpose bldg., ug police outpost nga mapahimuslan sa mga molupyo sa maong village nga gidonar gihapon sa NHA ngadto sa syudad ubos sa administrasyon ni Mayor Oscar Moreno.

 

Nunot niini, gipasalamatan ni 1st Dist. Rep. Uy ang NHA sa maong kalambuan ug sa walay hunong nga suporta ug tabang sa mga programa sa syudad, partikular na sa housing. (ALR/Photos by Reynan Baylin-CIO)