MALIPAYON ang mga biktima sa sunog ug baha sa Barangay 40 ug Cugman ning syudad human nakadawat og starter kits gikan sa Cagayan de Oro Negosyo Center/ DTI Misamis Oriental, Pebrero 11, diha sa covered courts sa maong barangay.

 

 

Kini kabahin sa Pangkabuhayan sa Pagbangon at Ginhawa (PPG) program sa Department of Trade and Industry (DTI) kon usa ka livelihood seeding and entrepreneurship development program nga nagtumong pagtabang aron maka-recover o makasugod pag-negosyo ang mga indibidwal ug pamilya nga naapektohan sa kalamidad.

 

 

Mismo si DTI X Business Development Division Chief Jesse M. Abear ang nangulo sa turnover ceremony, uban ni Miguel Antonio Ang, representante sa Office of the Assistant Secretary sa Department of Trade and Industry; Department of Labor and Employment Livelihood Development Specialist Fermelo C. Enaya ug mga representante gikan sa Department of Agrarian Reform.

 

Atol sa pag-apud-apud niini, mitabang usab pag-facilitate ang City Social Welfare and Development Livelihood Section ubos ni CSWD Livelihood Section Focal Person Dorotea Elpa. (NLB/CIO/Photos courtesy of CSWD and DTI)