INSPIRASYON nga makasugakod sa kinabuhi ang nabati sa matag Typhoon Odette survivor diha sa Barangay Mahayahay, Del Carmen, Siargao Island, Surigao del Norte ug San Roque, Pilar, Siargao Island, Surigao del Norte human nakadawat og roofing shelter kits gikan sa LGU-CDO ug clothing nga gidonar pinaagi sa Archdiocese of Cagayan de Oro, bag-ohay lamang.

 

Gani, mipadayag sa iyang pasalamat si Hon. Majelyn E. Espenido, ang Punong Barangay sa Barangay Mahayahay, Del Carmen kang Mayor Oscar Moreno sa maong donasyon.

 

Midawat ang Barangay Mahayahay, Del Carmen og roofing shelter kits nga gilangkoban sa 1,000 ka GI sheets; 100 kilos sa umbrella nails; 170 packs sa Vulcaseal, lakip usab 172 ka sako sa bugas.

 

Samtang midawat ang San Roque, Pilar og 110 GI sheets; 100 ka sako sa bugas; 81 kilos sa umbrella nails; 100 packs sa Vulcaseal ug clothing.

 

 

Mismo ang mga personahe gikan sa City Social Welfare and Development, City Engineering Office ug City Disaster Risk and Reduction Management Department ang mitunol sa maong tabang ngadto sa mga Typhoon Odette survivors. (NLB/CIO/Photos courtesy of CSWD)