MOKABAT sa P2.5 milyones nga kagamitan ang gitunol sa LGU CDO pinaagi sa City Disaster Risk Reduction and Management Department (CDRRMD) sa isla sa Surigao nga nahiagom sa bagyong Odette bag-ohay lamang.

 

 

Matud ni CDRRMD Officer in Charge Nick Jabagat, ang donasyon gikan sa CDRRM Fund sa syudad alang sa house repair kits nga gilangkoban sa galvanized iron sheets, umbrella nails, Bostik super vulcaseal ug chainsaw.

 

Dugang ni Jabagat, upat ka lugar sa Surigao ang nakadawat niini nga mao ang lungsod sa Pilar, Del Carmen, Burgos ug General Luna diin mismo ang mga mayor ug MDRRM Officer ang midawat sa maong donasyon.

 

Tungod niini, dako ang pasalamat ni Mayor Maria Liza Resurrecion, Mayor Baby Coro, Mayor Emmanuel Arcena ug Mayor Cecilia Rusillon kang Mayor Oscar Moreno ug sa CDRRMD sa padayong suporta sa ilang lungsod. (ACM/CIO/Photos CDRRMD)